--Ads--
BAGUIO CITY – Dumanon itan iti 4,290 ti pakabuklan a kaso ti COVID-19 iti Cordillera Administrative Region.
Maibasar iti datos ti Department of Health – CAR, dumanon iti 1,175 ti aktibo a kaso ti nasao a sakit kalpasan a nailista ti kanayunan a 56 a kaso idi kalman nu sadino a nairekord ti 33 a kaso ditoy syudad; 11 a kaso iti probinsya ti Benguet; 8 sadiay Kalinga ken tallo sadiay Abra
Malaksid iti dayta, dumanonen iti 3,070 ti pakabuklan a bilang dagiti naimbagan kalpasan a nagrekober idi kalman ti 38 a nagpositibo sadiay Benguet; 31 ditoy Baguio City; lima sadiay Ifugao; sag dua sadiay Kalinga ken Apayao, ken maysa sadiay Abra.
Nagtalinaed met ti bilang dagiti pimmusay iti nasao a sakit a dumanon iti 45.
