BAGUIO CITY – Nagtalinaed a nangato ti kaso ti dengue iti rehiyon Cordillera kas maibasar iti panagmonitor ti Department of Health (DOH) – Cordillera.
Segun kenni Geeny Anne Austria, Nurse V iti Regional Epidemiology Surveillance Unit ti DOH-Cordillera, manipud Enero agingga Disyembre 16 ti agdama a tawen ket nakailistada iti nasurok 3,600 a kaso ti dengue ditoy rehion.
Nupay nababbaba daytoy iti nasurok 10,000 a kaso idi napalabas a tawen, impeksana a nangato latta ti nasao a bilang.
Sigun kenkuana, ti probinsia ti Kalinga ti nakailistaan ti kangatuan a kaso ti dengue, sinaruno daytoy ti Benguet, Ifugao, siudad ti Baguio ken Abra bayat a nailista ti Mt. Province ti kababaan a kaso.
Kinunana nga 11 ti pimmusay gapu iti dengue ngem inlawlawagna a dua kadagitoy ket manipud iti dadduma a rehiyon a nagpataming laeng iti siudad ti Baguio.
