--Ads--
Ngimmato iti 263% ti kaso ti dengue iti rehiyon Cordillera ita a tawen.
Maibasar iti datos nga inruwar ti Department of Health-Cordillera, nakailista dagitoy iti 26,679 a kaso.
Daytoy ket adayu a nangatngato nu idilig idi napalabas a tawen nu sadino nakalista laeng ti rehiyon Cordillera iti 7,355 a kaso.
Malaksid iti dayta, nailista ti 43 nga indibidual a pimmusay ita a tawen gapu iti nasao a sakit, nangatngato nu idilig idi napalabas a tawen a dumanon iti siyam.
Gapu iti dayta, agpalpalagip ti Department of Health-Cordillera nga ituloy ti publiko ti pannakaipatungpal ti 4S Strategy a pakairamanan ti search and destroy, self-protection, seek early consultation, ken support fogging and spraying tapnu maliklikan ti sakit a dengue.
