BAGUIO CITY – Ngimmato iti 79% ti kaso ti dengue sadaiay Tabuk City, Kalinga iti umuna a kwarter ti agdama a tawen.
Iti datus ti City Health Office, nailista ti 205 a kaso ti dengue manipud Enero agingga Setyembre, nangatngato no idilig iti 114 a kaso iti kapada a panawen idi napalabas a tawen.
Malaksid iti daytoy, nailista ti 305 a kaso ti typhoid fever, nangatngato no idilig iti 243 a kaso idi napan a tawen, bayat a bimmaba met iti 25% ti kaso ti flu.
Gapu iti daytoy, immapela ti CHSO kadagiti umili a makipasetda iti ‘oplan pattog’ ken makipagmaymaysada a mangdalus kadagiti aglawlaw ken kadagiti waig.
Gapu iti daytoy, kidkiddawen pay dagiti health authorities iti komunidad a makipasetda iti nagduduma a programa kontra kadagiti nasao a sakit partikular iti rain-borne diseases nangruna ta mapasaran ti panagtutudo mangrugi ita a bulan.
