--Ads--
Dumanunen iti pito ti nailista a kaso ti Firework-Related Injury (FWRI) iti rehion Cordillera manipud Disiembre 21 agingga Disiembre 26, 2025.
Maibasar it kaudian a datos ti Department of Health Cordillera, tallo ti biktima iti probinsia ti Abra; dua iti siudad ti Baguio ken sag-maysa iti probinsia ti Apayao ken Kalinga.
Amin dagiti biktima ket nabigbig a lallaki no sadino, nagaramat dagitoy iti Boga, Labintador, Pla-pla, 5 star ken maysa a saan pay a nabigbig a kita ti palibang.
Gapu iti daytoy, nagpalagip manen ti DOH Cordillera iti publiko a saan a pidpiduten dagiti saan pay a bimtak paputok.
Kidkidawen pay ti nasao nga ahensia a dagus nga agkiddaw iti medical attentions iti kanito nga adda ti masamak a firework-related injury.
