--Ads--
Ngimmato iti 5,583 ti kaso iti Human immunodeficiency virus (HIV) kabayatan ti third quarter ti agdama a tawen.
Sigun iti Department of Health (DOH), dumanon iti 5,299 dagiti bilang ti lallaki kadagiti naireport a kaso ti HIV.
Maibasar iti datos manipud iti HIV and AIDS Surveillance of the Philippines, ngimmato daytoy iti 22 percent no idilig iti kapada a quarter idi 2024.
Kadagiti baro a naipadamag a kaso, 895 wenno 16 a porsiento kadagiti pasiente ti addaan iti advanced HIV bayat ti pannakadayagnosda.
Kabayatanna, nailista ti National Capital Region nga addaan ti kangatuan a bilang dagiti HIV infections; sinaruno ti Calabarzon, Central Luzon, Central Visayas ken Davao region.
