BENGUET PROVINCE – Ngimmato ti kaso ti influenza iti 98% ken hand, foot, and mouth disease iti 58% iti probinsya ti Benguet iti agdama a tawen.
Iti interview ti Bombo Radyo kenni Medical Specialist Head Dr. Cham Bacuso, ti Public Health Programs – Benguet, makitkita a ti maysa a rason ti panagngato ti kaso iti nasao a sakit ket gapu iti nalam-ek a klima ken nalaka a maiyakar daytoy.
Kabayatanna, bimmaba ti kaso ti dengue iti 64% nu idilig idi napalabas a tawen.
Maibasar iti datus ti Provincial Epidemiology and Surveillance Unit, nakailistada ti 1,677 a kaso ti dengue manipud Enero agingga Disyembre 9.
Nababa daytoy nu idilig iti 4,637 a kaso ti dengue a nailista idi napalabas a tawen.
Dinakamat ni Bacuso a ti kangrunaan a maap-apektaran iti nasao a sakit ket dagiti uubing nga agtawen ti lima agingga siyam.
Sumarsaruno met dagiti agtutubo nga agtawen ti sangapulo ket lima agingga sangapulo ket siyam.//Mira Pacpacan
