Agtultuloy ti panagngato ti kaso ti leptospirosis iti pagilian bayat a bimmaba ti bilang dagiti dengue cases.
Sigun iti Department of Health (DOH), dumanon iti 11,965 ti kaso ti leptospirosis agingga idi Setiembre 23, 2026
.
Ngimmato daytoy iti 46% no idilig iti 8,189 a kaso iti kapada a bulan idi napalabas a tawen.
Nupay kasta, bimmaba ti kaso idi napalabas a bulan.
Posible a senyales daytoy ti sumarsardeng a panagngato ti infections.
Maibasar iti datos, dumanon iti 5.08% ti fatality rate ti leptospirosis, nababa no idilig iti 10.53 idi napalabas a tawen.
Imbalakad ti DOH nga agpakonsulta a dagus iti doktor kalpasan a nagbaddek kadagiti layus, adda man wenno awan ti sintomas.