Nakailista ti Department of Health (DOH) iti 5,835 a kaso ti leptospirosis iti pagilian ita a tawen.
Kangatuan ti National Capital Region iti kaso a dumanon iti 1,733; sinaruno ti Central Luzon a 632 ken ti Cagayan Valley a nakailista iti 561.
Sigun iti DOH, nababa daytoy no idilig iti 7,187 a kaso idi napalabas a tawen.
Malaksid iti dayta, bimmaba metlaeng iti 358 ti bilang dagiti pimmusay manipud iti 764 a datos idi napalabas a tawen.
Iti baet dayta, agpalpalagip ti ahensiya iti publiko nga agannad kadagiti floodwaters.
Sigun kenni DOH Epidemiology Bureau Assistant Secretary Gerna Manatad, nababa ti kaso ita a tawen ngem na-obserbaran ti napartak a panagngato ti kaso kadagiti napalabas a bulan.