--Ads--
Impakaammo ti Malacanang nga mannarimaan ti panangadal ita ti Office of the Executive Secretary (OES) kadagiti probisyon ken rekord dagiti nagbalin a tungtongan ti pagilian a Pilipinas ken Indonesia seknan iti kaso ni Mary Jane Velos, maysa nga Overseas Filipino worker a naibalod gapu iti drug trafficking idiay Indonesia.
Daytoy ket kalpasan iti panagkiddaw ni Mary Jane ti panakawayawayana tapno maaywananna dagiti anak ken nagganakna.
Kidkiddawen met laeng dagiti naganak daytoy a da Cesar ken Celia Veloso iti Korte Suprema ti panakawayawaya ni Mary Jane gapu ta patienda nga awan ti legal a basaran ti pannakaibalud daytoy iti pagilian a Pilipinas. // Bombo Karen Calpoe Sapirao
