Inwaragawar ti Department of the Interior and Local Government (DILG) a “case closed” wenno nasolbaren ti kaso ti pannakapapatay ni Police Senior Master Sergeant Diane Marie Mollenido ken ti annak daytoy a ni John Ysmael.
Daytoy ket kalpasan iti pannakakaarestar ken panagsuko dagiti suspek iti nasao a krimen.
Inwaragawag ni Interior Secretary Remulla a sigun iti imbestigasyon dagitoy, nabigbig dagiti primary suspects iti nasao a krime.
Karaman ditoy ti car agent a ni Pia Katrina Panganiban ken ti asawa daytoy a ni Christian Panganiban, maysa a dismissed police officer.
Sigun kenni Sec. Remulla, pinatay dagiti suspek dagiti biktima iti mismo nga uneg ti pagtaengan dagitoy bayat a adda dagiti tallo a menor de edad nga anakda iti kuwarto dagitoy.
Inayunna nga kadua pay dagiti suspek dagiti menor de edad nga annakda idi indispose da dagiti bangkay ti dua a biktima.
Dinakamat ni Sec. Remulla nga posible nga addaan dagitoy iti psychopathic criminal tendencies.
Innayunna nga adda met laeng ita iti kustodiya ti kapulisan ti katulong dagiti agasawa a suspek ken ti kabsat ti lalaki a suspek para iti kanayunan nga imbestigasyon.
Sigun kenni DILG Secretary Jonvic Remulla, maipilan dagiti kaskenan a kaso kadagit uppat a suspek.
Gapu iti daytoy, maikonsideran a “case solved”ti nasao nga insidente.
Kabayatanna, inwaragawag met laeng ni DILG Secretary Jonvic Remulla nga imimbestigaran ti kapulisan ti asawa ni Police Senior Master Sergeant Diane Marie Mollenido a ni John Mollenido gapu ta awan ti nakitada nga anyaman a remorse wenno reaksyon manipuk kenkuana.
Sigun met kenni Atty. Cristobal Rimando, legal counsel ni , saan nga umanay ti nakalap nga ebidensiya tapno maitudo ti kliyenteda nga adda pakainaiganna iti nasao a pamapatay.
Inlawlawag ni Atty. Rimando nga natural human response ti ipakpakita ti asawa ti biktima ken saan nga umanay ti emotional distress kas basaran ken ebidensya tapno akusaran ti maysa nga indibidwal.
Mannarimaan met nga adda iti kustodiya ti kapulisan ni John Mollenido . Nupay saanen daytoy a karaman kadagiti suspek, maatap nga agduadua pay laeng dagiti kapulisan kenkuana.
Kabayatann, impanamnama met ti nasao nga ahensiya a maipaay ti hustisya para kadagiti ag-ina a biktima. // Bombo Karen Calpoe Sapirao
