--Ads--
BAGUIO CITY – Bimmaba ti kaso ti physical abuse wenno panag-abuso iti probinsia ti Benguet idi napalabas a tawen 2017.
Sigun kenni Juana Banawe, dadaulo ti Provincial Social Welfare and Development Office (PSWDO) iti Benguet, manipud iti 64 a kaso ti panag-abuso a nailistada idi 2016 ket bimmaba daytoy iti 37 a kaso idi 2017.
Nailista ti munisipyo ti La Trinidad ti kangatuan a kaso ti child abuse a dimmanon iti 21, simmaruno ti munisipyo ti Itogon a nakailista iti 5 bayat a sadiay Tuba ket 4.
Bimmaba met laeng ti kaso ti child abuse a nailista iti probinsia idi napalabas a tawen a dimmanon iti 128 manipod iti 161 idi 2016.
Nailista ti kangatuan a kaso sadiay La trinidad, Mankayan ken Tuba.
