--Ads--
BAGUIO CITY – Bimmaba ti kaso ti rape wenno panagrames iti probinsia ti Benguet kabayatan ti pandemya.
Sigun ken Benguet Police Provincial Director PCol. Elmer Ragay, dumanon iti 23 ti kaso ti panagrames a nailista ti opisinada manipud idi Marso aginggat Nobiembre iti agdama a tawen.
Kinunana a nababbaba daytoy no iti 41 a kaso a nailistada kadagiti kapada a bulan idi napalabas a tawen.
Innayonna a kaaduan ket nailista iti munisipio ti Buguias ken dagiti kaso ket incest rape wenno ti biktima ken suspek ket agkabagyan wenno agkapamilya.
Gapu iti daytoy, inbalakadna manen ti nainget a panangbantay dagiti nagannak kadagiti annakda nangruna ita nga adda laeng dagitoy iti uneg ti pagtaenganda.
