LA TRINIDAD – Bimmaba ti kaso ti Violence Against Women & Children(VAWC)a nailista iti La Trinidad Municipal Police Station iti agdama a tawen manipud iti tallo a kaso a nailista dagitoy idi napalabas a tawen.
Iti interview ti Bombo Radyo ken Police Maj. Cleff Vencio, patienna a resulta daytoy ti isaysayangkatda a community relations section a mangipakaamo kadagiti karbengan dagiti babbai.
Inayonna a mangisaysayangkatda iti Information Education Campaign (IEC) seknan iti RA 92610 wenno linteg a mangsalsalaknib kadagiti babbai kontra iti panag-abuso.
kinunana a naobserbaranda a kaaduan kadagiti umili sadiay ket naadalan iti nasao a linteg kasaruno iti immado a bilang dagiti agturturung ken agkamkamang iti Women and Children Protection Desk (WCPD) dagitoy.
Nupay kasta, impeksana nga agtultuloy latta ti panangbalakad dagiti babae a police kadagiti biktima gaputta adda paylang dagiti agduadua a mangipila iti kaso kontra kadagiti asawa dagitoy.
