Nagpinnirma ti katulagan iti Pilipinas ken Estados Unidos tapno ad-adda a mapapigsa ken mapasayaat pay ti panagtitinnulong ti dua a pagilian iti panagsukisok iti nuclear power.
Pinirmaan da Energy Secretary Raphael Lotilla ken US Agency for International Development-Philippines Mission Director Ryan Washburn ti “memorandum of understanding” a mangitandudo ti Philippines-US Civil Nuclear Cooperation.
Daytoy ket kasaruno ti pannagpirma ti Pilipinas ken Estados Unidos ti “123 Agreement” idi napalabas a tawen.
Ti maaw-awagan a “123 Agreement” ket mapalubusan a mangilako iti nuclear technology ken materyales ti Estados Unidos iti Pilipinas.
Namnamaen ni Energy Secretary Lotilla a ma-“explore” ti nuclear power para iti nadumaduma a gundaway a mabalin a maragpat.
Pinagyamananna met ti Estados Unidos gapu iti inisyatibo dagitoy a makitinnulong iti Pilipinas.
