BAGUIO CITY – Pinirmaan dagiti mayor iti probinsia ti Benguet ken iti siudad ti Baguio ti katulagan para iti panakaipasigurado a ti lokalidad ket natalged manipud iti illegal recruitment.
Indauluan ti Philippine Overseas Employment Administration, Overseas Workers Welfare Administration, Department of Labor and Employment – Benguet ti panagpirma da Baguio City Mayor Mauricio Domogan, Benguet Governor Crescencio Pacalso ken dagiti mayor ti 13 a munisipyo iti katulagan para iti kampanya a mangsalwad kadagiti agdama ken agbalin to nga Overseas Filipino Workers (OFWs).
Sagudayen pay ti katulagan ti capability building para kadagiti kabinnadang ti lokal a gobyerno ken dagiti stakeholders seknan iti overseas employment, panakaipasdek ti local help desks para kadagiti OFWs ken ti data collection and management seknan kadagitoy ken dagiti pamilyada.
Paset daytoy ti naingetan a kampanya ti pagilian tapnu masalwadan dagiti OFWs nga agtatrabaho iti ballasiw taaw ken uray pay dagiti addaan panggep a mangged iti dadduma a pagilian.
Tarigagay ti katulagan a babaen iti panagtitinnulong dagiti amin a nagpirma iti daytoy ket ad-adu dagiti makemmeg ken madusa nga iligal a recruiters.