Maragsakan ni National Security adviser Eduardo Año iti pannakaratipikar ti Reciprocal Access Agreement (RAA) babaen ti Japanese National Diet.
Ti katulagan ket mangpasayaat ti pananagideploy kadagiti puersa ti Japanese para iti joint drills kaduada dagiti suldado ti Pilipinas ken palubosanna dagiti soldado a Pilipino a sumrek idiay Japan para iti nasao nga aktibidad.
Sigun kenni Año, ti Reciprocal Access Agreement (RAA) ket saan laeng a joint operations, panagsanay ken humanitarian missions iti nagbaetan ti dua a pagilian.
Para kenkuana, daytoy ket maysa a banag a panagtinnulong ti dua a pagilian tapno agbalin a mapagtalkan ken epektibo iti panawen ti national security iti Indo-Pacific.
Maipalagip a ti Reciprocal Access Agreement (RAA) ket napirmaan idi July 8, 2024 iti nagbaetan ti Japan ken Pilipinas.
