BAGUIO CITY – Inaprubaranen ni Baguio City Mayor Benjamin Magalong ken ti lokal a konseho ti kontrata a naglaon iti katulugan para iti temporaryo a panakaiturong ti basura ti siyudad sadiay Capas, Tarlac Dumpsite kasaruno ti pannakairekkep ti Urdaneta engineered sanitary landfill.
![](https://img.bomboradyo.com/baguio/2021/03/49431610_588970954878717_2187556831038013440_n-1.jpg)
Iti interview ti Bombo Radyo Baguio ken City Administrator Engr. Bonifacio dela Peña, naiparikep ti urdaneta engineered sanitary landfill idi biyarnes gapu iti pakaseknan ti aglawlaw.
Kinunana a naaramid ti kontrata tapno maliklikkan a maurnong dagiti basura ti siudad ken tapno maibelleng dagiti basura a nakakarga kadagiti garbage truck sipud pay idi biyernes kalpasan a nairikep ti nasao a pagbasuraan.
Inaklonna a nangina ti tipping fee ken hauling fee sdiay Tarlac Dumpsite no idileg sadiay Urdaneta isut gapuna a makabulan laeng ti nailanad iti kontrata.
Impasigurado na met a maiturong dagiti basura sadiay Tarlac Dumpsite ita nga aldaw ken mangnamnama dagitoy a mailukat ti Urdaneta Dumpsite iti kabiitan a panawen.