--Ads--
Nairekord ti pagilian a Pilipinas ti ipupusay ti 22-anyos a lalaki gapu iti heart attack kasaruno ti severe lung injury a nasagrapna a resulta ti innaldaw a panagaramatna ti vape iti uneg ti dua a tawen.
Sigun kenni Department of Health Assistant Secretary Albert Domingo, ti panagaramat ti e-cigarettes ken vape ket pakaroenna ti acute myocardial infarction ken stroke.
Gapu iti daytoy nga insidente, kayat ti Department of Health nga ipangato ti edad dagiti mabalin nga agaramat ti vape.
Maparitan dagiti agtawen iti dua pulo nga agpababa nga agaramat iti vape babaen iti pannakaamyendar ti Vape Law.
Malaksid iti daytoy, kayat pay ti nasao nga ahensiya a maipangato ti buwis ti vape tapno makontrol ti suplay daytoy.
