BAGUIO CITY – Nailistan ti Baguio City ti kaunaan a kaso daytoy iti B.1.1.7 wenno UK variant ti COVID-19.
Sigun kenni Mayor Benjamin Magalong, ti nasao a kaso ket maysa a 30-anyos a babai a nagpositibo iti COVID-19 idi pay February 12 ken nairekord a naimbaganen idi February 23.
Kinunana a naipatulod ti specimen ti nasao nga indibidual iti Philippine Genome Center para iti sequencing ken naawatna idi kalman ti resulta a nakailanadan ti positibo a resulta iti UK variant.
Dinakamatna nga idi pay maudi a lawas ti January ket naka-work from home ti nasao nga indibidual isut gapuna a nainget ti panangduktalda kadagiti nakapulpulapol daytoy a kabbalayna.
Innayonna a kitkitaenda ti data base tapu makita no adda ti koneksion ti nasao a kaso kadagiti immunan a kaso ti UK variant sadiay La Trinidad, Benguet ken Bontoc, Mountain Province.
Sigun pay kenni Mayor Magalong, ar-aramidenda ti amin tapnu malapdan ti panagwaras ti nasao a variant ti COVID-19 ditoy lokalidad.
