BAGUIO CITY- Maangay iti siudad ti Baguio ti kaunaan a Luzon Guild Summit inton March 29, 2026 kas paset ti annual a panakarambak ti Montañosa Film Festival.
Daytoy ket ipatungpal ti film academy ken pasetan ti nadumaduma nga organisasyon wenno industriya ti film manipud iti nadumaduma a rehion iti pagilian.
Panggep ti nasao a summit a maurnung dagiti adda iti industriya ti film manipud iti nadumaduma a region.
Manamnama a maisayangkat ti working session no sadinno, matalantan ditoy ti kinaimportansya ti guild creation, industry concerns ken ti Academy professionalism programs.
Kabayatanna, kinuna dagiti opisyal a mangidadaulo iti nasao a programa a maiyuswat ti pro database wenno ti national audio-vidual worker.
Malaksid iti dayta, matalantan metlaeng ditoy ti Eddie Garcia Law.
Maorient metlaeng dagiti makipaset maipapan ti grievance, arbitration ken mediation channels.
Sigun iti Director General ti nasao a summet a ni Paolo Villaluna, saan laeng a limitado iti Metro Manila ti suporta iti film community no seryoso iti propesionalismo.
“Workers in the regions need access to the same information, protection and oppprtunities”. – Villaluna
via Bombo Noveh Organo
