--Ads--
Nagun-od ti Gilas Pilipinas ti kaunaan a pangabakda iti 2024 FIBA Olympic Qualifying Tournament kalpasan nga inabakda ti world no. 6 Latvia iti skor nga 89-80.
Ti panangabak ti Gilas Pilipinas ket mabigbigbig a “historic” agsipud ta daytoy ti kaunaan a pangabak ti Pilipinas kontra iti European team iti kompetisyon ti FIBA manipud 1960.
Saan met a ninamnama ni Gilas Pilipinas head coach Tim Cone a mabaelan ti Pilipinas a mangabak agsipud ta tarigagayda laeng a mangipaay iti “good show.”
Pinadayawan met ni Latvia head coach Luca Banchi ti Gilas Pilipinas nga excellent ti performance dagitoy nu sadino nasayaat ti offenseda.
Kabayatanna, manamnama ti laban ti Pilipinas kontra Georgia tapno makastrekda iti semifinals.
