Balligi a naipatungpal itay laeng agsapa ti umuna a kwarter ti “simultaneous earthquake drills” iti nagduduma a paset ti Pilipinas.
Addaan daytoy ti panggep a mapagsaganaan dagiti saan a mapakpakadaan a gingined iti pagilian.
Sigun iti Office of Civil Defense (OCD), makatulong ti earthquake drill tapno matingiting ti kinaepektibo ti National Disaster Risk Reduction and Management Council ken dagiti miyembro nga ahensia daytoy iti panagsungbat kadagiti “simulated disaster scenario” babaen ti kadagiti communication protocols, coordination mechanisms, ken resource mobilization.
Impeksa ni Department of Science and Technology Secretary Renato Solidum Jr. a napateg ti nasao nga aktibidad gaputa maysa daytoy a wagas a mangpapigsa iti panagsagana kadagiti gingined.
Karaman kadagiti nakipaset iti nasao nga aktibidad ket dagiti empleyado ti Malacañang ken nagduduma nga ahensia ti Pilipinas pakairamanan ti Presidential Communications Office.
