--Ads--
Naragsak a nabigbig kas historic feat wenno kaunaan a kidney transplant operation ti inaramid dagiti doctors iti Baguio General Hospital and Medical Center itay laeng nabiit.
Gapu iti daytoy, inyebkas ti Department of Health-Cordillera ti kablaawda iti medical facility gapu iti panangipasdekda iti baro a milestone iti healthcare para iti Northern Luzon.
Nupay kasta, saan paylaeng a nairuar ti detalye mainaig iti kaunaan a life-saving operation.
Ti nasao nga operasyon ket inaramid dagiti grupo dagiti doctors manipud Metro Manila ken Cordillera Region.
Kabayatanna, para met kadagiti agpangpanggep nga agpakidney transplant ket kasapulan nga agisagana iti agarup P1.2 million, gapu ta kagudua laeng ti mabalin a bayadan ti PhilHealth.
