BAGUIO CITY—Impannakel ni Vice President Leni Robredo ti kaunaan a Bodong Festival sadiay Kalinga.
Sigun iti bise presidente a nagserbi a kangrunaan a sangaili iti nasao a pestibidad., rumbeng nga aywanan ken isustinir ti probinsia ti Kalinga ti maysa kadagiti napintas a tradisyon dagitoy a “Bodong” wenno peacepact.
Kinunana a maysa kadagiti ipampannakkel ti Pilipinas ti rehiyon Cordillera gapu iti kinabaknang dagitoy agkakapintas a kultura ken tradisyon.
Kinunana a maysa daytoy a tawid manipud kadagiti agkauna nga umili iti rehion nga agsirbi nga tarabay iti panagbiag ti taga kalinga.
Kinunana a ti pakaistoryaan ti Kalinga ket mangipakita ti kinatured ken ti kinatibker dagitoy a mangilaban iti karbenganda kas iti storya ni Apo Macliing Dulag a nangitakder iti karbengan ti nainsigudan nga umili.
Ti bodong ket napintas a simbolo ti lokal a panagurnos kadagiti saan a panagkikinna-awatan ken ti panangmintinir ti linak ken kapia iti maysa a communidad wenno probinsya.
