BAGUIO CITY – Naipatungpal ita nga aldaw ti kaunaan a grand march ti munisipyo ti Kapangan, Benguet a pinasetan dagiti umili, lokal nga opisiales, nainsigudan nga umili, beterano, senior citizens ken dadduma pay nga ahensia.
Sigun kenni Mayor Manny Fermin, dumanon iti nasurok sangagasut nga indibidual ti nakipaset iti grand march a nakabado iti nalabaga a t-shirt ken pantalon.
Kalpasan ti grand march ket simmaruno ti maysa a programa ken ti highlight dagiti nasurok duwagasot nga indibidual.
Kinunana a ti nasao nga aktibidad ket kontribusyonda iti World’s Hearts Day a maramrambakan tunggal bulan ti Pebrero.
Kabayatanna, sigun kenni Kapangan Vice Mayor Mayo Eslay, mangipatungpal dagitoy iti konsultasyon para iti panagbalin nga opisyal ti sala a Grand March iti nasao a munisipyo tapnu tinawen a maipatungpal ti aktibidad.
