BAGUIO CITY – Maramrambakan ita ti kaunaan nga Albubo Festival sadiay munisipyo ti Buguias, Benguet.
Sigun kenni Mayor Ruben Tindaan, sumagmamano kadagiti aktibidad a maipatungpal ket ti Senior Citizen’s Day, medical mission ti Buguias PNP ken Search for Mr. and Ms. Buguias.
Kinunana a mangisayangkatda metlaeng iti costume parade, farmer’s forum, youth concert ken dadduma pay nga aktibidad.
Innayunna nga inton bigat, aldaw ti Biyernes ket suspendido ti klase dagiti ubbing sadiay para iti panagsagana dagitoy iti Drum and Lyre Contest.
Inlawlawagna met a ti kaypapanan ti Abubo Festival ket binnadang wenno ditoy a maitampok ti panagtitinnulong ti tunggal maysa iti nasao nga ili.
Nangrugi ti pestibidad idi Lunes ken agleppas inton Miyerkules iti sumaruno a lawas.
Nailatangan daytoy iti pondo a P1 million.
