Balligi a naipatungpal ti kick-off ti 124th Founding anniversary ti munisipyo ti Atok, Benguet ita nga aldaw nga agpatingga inton Nobyembre baente nuebe iti agdama a tawen.
Daytoy ket addaan iti tema a “Pengajowan ni Kaugadian, Tawid jen Ebangonan: Pansigshan ni Umidi, Pansigshan ni Pilipinas” wenno kayatna a sawen “Caring and Sustaining our Heritage as a Community: Culture and Environment towards Bagong Pilipinas.”
Nangrugi ti nasao a piyesta babaen iti parada a nakipasetan dagiti nagdudumna nga ahensiya ti gobyerno kas iti Philippine National Police, Bureau of Fire Protection, dagiti Municipal officials, nagduduma a National Government agencies, ti Mr. and Ms. Atok, dagaiti opisyales manipud kadagiti nagduduma a barangay ken daduma pay.
Kalpasanna dayta ket naipatungpal iti misa ken dagiti nagduduma nga intermission.
Ti nangipaay iti opening remarks ket ni Atok Mayor Franklin Smith bayat a nangipaay iti mensahe da Governor Melchor Diclas ken Vice Governor Ericson Felipe.
Ni Congressman Eric Go Yap ti nagbalin a guest speaker iti daytoy.
Iti daytoy a pyesta, makita dagiti nagduduma a booths dagiti babarangay iti Atok a buklen ti Abiang, Caliking, Cattubo, Naguey, Paoay, Pasdong, Poblacion ken Topdac.
Ditoy a makita dagiti produkto manipud kadagiti nasao a barangay kas kadagiti baskets, dagiti nateng, tapey, dagiti tinapay ken daduma pay.
Para inton bigat, makikaykaysa ti munisipyo ti Atok, Benguet iti maipatungpal a Benguet Foundation Day nga Adivay sadiay La Trinidad, Benguet.
Kabayatanna, dagiti daduma pay nga aktibidad a maipatungpal iti daytoy ket ti Inter-Barangay Sports Festival, Agri-Trade Fair, Municipal Children’s Congress, Highway Patrol Group- Motor Vehicles Out-of-Town One-Stop-Shop.
