Posible nga idagadag manen da PISTON-Cordillera spokesperson Mike Cabangon ti kiddawda iti Regional Tripartite Wages and Productivity Board (RTWPB) a panakaingato ti minimum wage dagiti mangmangged iti ₱1200.
Inlawlawag ni Cabangon a nu para iti immediate minimum wage ket ₱200 ti kiddawda a panakaingatona ken ₱1200 met nu para iti pakabuklan a minimum wage increase.
Impetteng ni Cabangon a ₱1200 ti kasapulan a sweldo dagiti mangmangged iti tunggal aldaw tapno mabiag iti disente.
Mainaig iti dayta, impeksa ni Cabangon a pagsaksakitan ti nakemna ti arigna a panagsagrap manen dagiti mangmangged iti pammilin a four-day workweek.
Kwinestyunaran ti opisyal ti posible a mapasamak kadagiti Pilipino a mangmangged partikular dagiti contractual ken dagiti “No Work, No Pay.”
Gapu iti dayta , inyunay-unayna a rumbeng koma a ti pagnumaran ti umili ti ipangruna ti gobyerno ken saan a ti panangpabor kadagiti dadakkel a kompanya.
Impettengna a rumbeng a balanse-in ti gobyerno dagiti addang nga ipatungpalda kas iti panangingato iti sweldo ti mangmangged nu maingato ti plete kadagiti parapubliko a transportasyon.//Bombo Rob Dominguez
