Kinumpirmar ni Atty. Israelito Torreon nga imbasura ti Pasig City court ti kiddaw dagitoy a hospital arrest para kenni Kingdom of Jesus Christ (KOJC) founder Apollo Quiboloy.
Nupay kasta, kinuna ti abogado ni Quiboloy a mangipilada iti motion for consideration.
Maipalagip nga idi napan a bulan ket nangipila ti kampo ni Quiboloy iti hospital arrest iti Pasig City Regional Trial Court (RTC) Branch 159 karaman ti co-accused a ni Ingrid Canada.
Sigun kenni PNP spokesperson Police Colonel Jean Fajardo, inrason ti kampo ni Quiboloy nga addaan daytoy iti medical condition.
Iti baet daytoy, impetteng ni Fajardo a nasayaat met ti kasasaad ni Quiboloy kas maibasar iti innaldaw nga assessment ti PNP General Hospital.
Iti agdama ket nakabalud ni Quiboloy iti Camp Crame bayat a dagiti kakadwana nga akusado ket naiyakar iti Pasig City Jail.
Sumangsango ni Quiboloy iti nagtutuon a kaso kas iti qualified human trafficking nga awanan iti piyensa, panaglabsing iti Section 5 (b) ken Section 10 (a) ti Republic Act 7610 wenno ti Special Protection of Children Against Abuse, Exploitation, and Discrimination Act.
