BAGUIO CITY–Saan a ninamnama ni Barangay Kapitan Florante Sapitula iti Lower Lourdes Subdivision a makailista ti barangayda iti dakkel a bilang ti kaso iti covid-19 infections.
Iti panakiy uman ti Bombo Rady iti opisyal, kinunana a nalidayanda iti panakailista iti ado nga kaso iti covid-19 iti masakupanda a barangay gaputta covid-19 free dagitoy idi napalpalabas a bulan.
Sigun pay kenkuana, maymaysa a balay ti pagnanaedan dagiti nagpositibo nga indibidual isu’t gapuna a dagus a nagwaras ti nasao nga sakit.
Innaklun ti opisyal a pagam-amkanda ita ti nangato nga bilang ti kaso a nailista iti barangayda isu’t gapuna nga kidkiddawena kadagiti residente iti barangayda a liklikanda a rumwar kadagiti pagtaenganda no awan met ti napateg nga gagara dagitoy iti ruwar.
Maipalagip nga 58 a kanayunan a kaso iti nailista iti nasao nga barangay idi laeng kalman.
