BAGUIO CITY – Dinayaw ni Tourism Sec. Bernadette Romulo Puyat ti kina-proactive ni Baguio City Mayor Benjamin Magalong.
Kinunana a mismo a ni Mayor Magalong ti nagkiddaw iti tulong ti Department of Tourism (DOT) para iti pannakaipasidong ti siudad ti Baguio iti rehabilitasion.
Dinakamatna a makaparagsak a panunoten a mismo a ti mayor ti nakadlaw kadagiti parikot ti siudad ti Baguio.
Kinuna pay ti secretary a gapu iti inisiatibo ti mayor ket nagtignay ti DOT tapno maisubli ti sigud a langa ti Baguio City.
Dinakamat ni Puyat a nakipatang met leng ni Magalong iti DILG, DENR, DOTr ken DPWH para iti pannakapapintas ti siudad ti Baguio.
Sigun pay ken ni Puyat, nagsarita da Mayor Magalong ken DOTr Sec. Arthur Tugade maipapan iti panggep a cable car system iti siudad ti Baguio.
