--Ads--
BAGUIO CITY – Parikut latta dagiti residente ti Tuba, Benguet ti kinabangsit ti staging area ti basura ti siudad ti Baguio sadiay Marcos Highway.
Sigun kenni Tuba Mayor Clarita Sal-ongan, irekreklamo latta dagiti residente ti kinabangsit dagiti basura ti siudad nangruna no nakaro ti darang ti init.
Impettengna a saan nga umdas a maikkan laeng iti spray dagiti basura gapu ta nabangsit latta dagitoy.
Kinunana a namin adun a daras a nagtataripnong dagiti opisial ti Tuba, Benguet ket Baguio City maipapan iti nasao a parikot ngem agingga ita ket saan latta daytoy a nasolbar.
Gapu iti daytoy, kiniddaw manen dagiti opisial ken residente ti Tuba, Benguet ti aksion ti lokal a gobierno ti Baguio City seknan iti nasao a parikut ken pakaseknan.
