Impakaamo dagiti opisiales iti Sangguniang Bayan idiay Bauko, Mt. Province a naituding a maaprobaran iti ordinansa a Brigada Eskwela, Seniors Citizen Officials for a Day (SCOFAD), ken Scouts Officials for a Day (SOFAD) inton Hunio 2024.
Daytoy ket tapno marisut iti kasapulan para iti kinakurang a pinansial.
Ti SCOFAD, SOFAD, ken Brigada Eskwela ket maipaspasidong iti tallo a pannakaibasana ken maysa a parapubliko a pannakatalantan.
Dagiti nasao nga ordinansa ket naituding nga aprobaran ti Mayor ti munisipyu ti Bauko.
Ti tallo nga ordinansa ket dagiti sumaganad: Umuna,ti Brigada Eskwela Ordinance, nu sadinno adda dagiti report ti panagsolicit a mapaspasamah nga ipawpawil ti Department of Education.
Maikadua, ti SCOFAD a mangguyguyuguy kadagiti natataengan iti Bauko a mangipaay ti oras-da iti uneg ti munisipyu iti maysa nga aldaw. Karaman ti panagbalin a Mayor ken miembro iti nagduduma nga ahensia ti munisipalidad.
Bayat a ti maudi ket ti SOFAD, nu sadinno mangidiadiaya ti lokal kadagiti scout nga ag-assume wenno agakem kadagiti responsibilidad iti nagduduma a dadaulo ti opisina ken opisial ti munisipyu, mangipapaay kadagitoy iti napapateg a kapadasan iti panangidaulo.
Sigun kenni Sebio Badcao, secretary ti Sangguniang Bayan iti Bauko, dagiti nasao nga ordinansa ket narepaso tapno ad-adda a mapaadu ti insentibo wenno honorarium nga awaten dagiti makipaset kadagiti nadakamat nga ordinansa.
Sigun met kenni Florence Day-ong, maysa a senior citizen, dakkel a tulong para kenkuana ti nasao a programa, nangruna kadagiti mannalaon a parikutda ti pinansial a tulong.
Kinunana a numan pay “senior” wenno nataengan daytoy, kabaelanna latta nga agserbi iti pagilian.
Binaliwan ken inikkat ti Sangguniang Bayan ti sumagmamano a resolusion iti tallo nga ordinansa tapno mapaadu ti insentibo para kadagiti timmabuno ken suportaran dagiti lokal nga inisiatiba ti edukasion.
Ngimmato metlaeng ti tulong a pinansial manipod iti P3,000 agingga P5,000 tunggal pagadalan para iti Brigada Eskwela a saanen a kasapulan nga ag-solicit pay.
Maipalagip a dagiti ordinansa a SCOFAD ken SOFAD ket naipasa idi tawen 2011, bayat a ti Brigada Eskwela ket naipasa idi tawen 2020.//Via Charlotte Lizo, Local News Correspondent
