Posible a kinakurang ti koordinasion ti rason nu apay a napasamak ti panagranget dagiti puersa ti gobierno ken dagiti armado a grupo idiay Sumisip, Basilan.
Daytoy ket sigun kenni Bangsamoro Education Minister Mohagher Iqbal ken MILF-CCCH chairperson Butch Malang kalpasan ti dua nga aldaw idi napasamak ti pammapatay kadagiti uppat nga indibidual ken sangapulo ket dua a nadangran iti panagranget iti nagbaetan dagiti suldado ti 32nd Infantry Battalion ken dua nga armado a grupo.
Maysa kadagiti dua a grupo ket mapapati a mainaig iti MILF.
Maipalagip a nangipaay ti segurid dagiti suldado kadagiti kameng ti United Nations Development Programme (UNDP) a karaman iti peace and development project idiay Barangay Lower Cabengbeng, Sumisip, Basilan idi adda ti engkuwentro.
