BAGUIO CITY – Ninamnama ni Rocky Aliping, Councilor iti siudad ti Baguio ti pannakipaset dagiti Districts iti siudad ti Baguio iti mapadpadaanan a Fluvial Parade intun Pebrero baente siete iti Baguio Burnham Lake.
Nupay kasta, kinuna metlaeng ti nasao nga opisial a saan a makipaset dagitoy gapu iti kinakurang ti pondo.
Iti baet dayta, impetteng ni Aliping nga adda dagiti partisipasion ti Liga ng Barangay ita a Panagbenga Festival.
Kabayatanna, adda dagiti insagana ti nasao a liga nga special subsidy para kadagiti barangay a nakipaset iti Panagbenga.
Nangilatang dagitoy iti P50,000 a subsidy ken prizes para kadagiti Barangay iti siudad a nakipartisipar iti nasao a piesta.
Manamnama a maipaay dagiti special awards intun March 2 bayat ti Closing ti Panagbenga.//mp4
