Kinompirmar ti Philippine Consulate General (PCG) sadiay Sydney nga awan ti Pilipino a karaman kadagiti pimmusay gapu iti shooting incident iti Bondi beach.
Sigun iti PCG, naala dagitoy ti impormasion manipud iti New South Wales Police Protection Operations Unit.
Iti baet daytoy, indagdagadag ti consulate dagiti Pilipino community nga agtalinaed dagitoy a nasiput ken surutenda ti pagalagadan ti
New South Wales Police and emergency services.
Kabayatanna, inyebkas ti PCG ti pannakipagladingitda kadagiti pamilya dagiti pimmusay ken nadangran a biktima.
Maipalagip a dumanon iti 15 nga indibidual ti pimmusay iti Bondi Beach sadiay Sydney idi December 14, 2025.
Daytoy ket kalpasan a pinaltugan dagiti agama a suspek, kabayatan ti Hannukah community event.
Nabigbig dagiti suspek a da Sajid Akram agtawen iti 50, ken ti anakna a ni Naveed nga agtawen met iti 24.
Pimmusay ti Sajid bayat nga adda paylaeng iti kritikal a kondision ti anakna a ni Naveed.
