Agtultuloy ti panagregget dagiti kameng ti Philippine National Police (PNP) ken ti Armed Forces of the Philippines (AFP) para iti panangsigurado dagitoy iti kinataged dagiti sibilyan kalpasan ti napasamak nga engkwentro iti nagbaetan dagiti tropa ti gobyerno ken dagiti rebelde a grupo partikular sadiay Balbalan, Kalinga.
Iti panakiuman ti Bombo Radyo kenni Police Captain Ruff Manganip, Public Information Officer ti Kalinga Police Provincial Office, manarimaan paylaeng ti imbestigasyon dagitoy iti napasamak a rinnupak.
Sigun kenni Manganip, agarop tallo pulo dagiti miembro ti nagtipon a pwersa ti Komiteng Larangang Guerilla Baggas, Komiteng Larangang Guerilla North Abra ken ti CIASI 2 ti nakaengkwentro dagiti kameng ti 54th Infantry Division idi Hwebes ti agsapa.
Kabayatana, guguyuguyen ni Manganip dagiti rebelde nga agsurrenderin dagitoy iti gobyerno gapu ta awan ti nasayaat a pagbanagan ti ilablabanda a banag tawinen ti napalabas.
Kagiddan dayta, pagyamyamanan ti opisyal dagiti sibilyan a nangirepreport kadagiti otoridad seknan iti presensya dagiti rebelde a grupo.//Bombo Rob Dominguez
