Opisial a nagparangen iti publiko ni King Charles III ita nga aldaw manipod idi na-diagnose daytoy nga addaan ti kanser.
Ti panagparangna iti publiko ket kalpasan a kinuna dagiti doktor a simmayaat ti panagrang-ay ti pannakaagasna.
Ti dadaulo ti Britanya kadua ti asawana a ni Queen Camilla ket manamnama a bumisita kadagiti cancer treatment facility tapno makipagsinnarak kadagiti spesialista ken pasyente.
Sinuspindir ti agtawen ti pito pulo ket lima a ni King Charles ti pagrebbenganna kas ari idi Pebrero kalpasan a naduktalan ti kanser bayat a maag-agasan ti dimmakel a prostate daytoy idi napalabas a bulan.
Kabayatanna, ti manugangna a ni Catherine a Prinsesa ti Wales ken naopera iti tiyan idi Enero ket maipaspasidong iti agdama ti chemotherapy.
Iti agdama, agpada a saan a nalawag nu anya ti eksakto a kanser a mapaspasaran da King Charles III ken ni Catherine.
