BAGUIO CITY-Kinumpirmar ti Philippine Military Academy (PMA) nga agserbi a kangrunaan a sangaili ni Presidente Rodrido Duterte iti maangay a Alumni Homecoming ti akademya ita a tawen.
Sigun kenni PMA spokesman Lt. Col. Rey Balido, addan ti inisial a koordinasyon kadagiti staff at security group ti presidente para iti seguridad ti homecoming inton Pebrero 18, aldaw ti Sabado.
Kinunana a mangrugi dagiti preliminary activities inton Pebrero 17 ken agleppas inton Pebrero 19 babaen iti silent drill dagiti kadete.
Kinunana nga agserbi a host class dagiti nagleppas iti ‘2’ at ‘7’ pakairamanan ti golden jubilarian ti PMA Class of 1967 a nang-adaptar kenni Pres. Duterte.
Malaksid iti dayta ket ippayda kenni Pres. Duterte ti sertipikasyon kas honorary member ti PMA Alumni Association.
Kabayatanna, napili metten dagiti cavalier awardees para iti army operations, navy operations, air force operations, private enterprise, alumni affairs ken dadduma pay a pammigbig.
Manamnama met a dumanon iti lima ribo nga alumni ken dagiti dependents dagitoy ti dumar-ay ken makipaset iti nasao nga aktibidad.
