Umap-apela ni Komisyon sa Wikang Filipino (KWF) Chairperson Atty. Marites Barrios-Tarran kadagiti nagannak a surwanda iti Filipino ken native languages dagiti annakda.
Daytoy ket gapu iti bumasbassit a bilang dagiti agtutubo nga agar-aramat iti nasao a pagsasao ken gapu ti globalization.
Kidkiddawen daytoy ti nasao nga opisial, gaputa sumagmamano nga ubbing iti pagilian ti saan a makasao iti Filipino wenno native languages.
Nagballag daytoy a posible a mapukaw dagiti nasao a pagsasao no saan a maar-aramat.
Gapu iti dayta, guyguyuguyenna dagiti amin a Pilipino nga usaren ti Wikang Pambansa, Filipino man wenno native languages.
Inyunay-unayna nga awan ti sabali a mangayat iti pagsasao ti pagilian no saan a dagiti Pilipino.
Kabayatanna, agsapsapul ti Komisyon sa Wikang Filipino (KWF) ti partnerships a mangsuporta iti programana a “Bahay-Wika”, maysa a master-apprentice language learning initiative.
