--Ads--
Agtultuloy a mapasaran ti Pilipinas ti kondision a kaasping ti La Niña iti sumarsaruno a bulang, sigun iti PAGASA.
Sigun kenni PAGASA Climate Monitoring and Prediction Section chief Ana Liza Solis, nakaalerto iti La Niña ti Pilipinas sipud idi Hulio ngem saan pay a nagun-od ti umno nga activity threshold tapno maideklara a panawenen ti La Niña.
Kinunana nga asidegen iti threshold wenno borderline gaputa maimatanganen dagiti posible nga epekto ti maysa a La Niña, isut rason a “La Niña-like conditions” ti nairuar nga advisory dagitoy.
Nadakamat ni Solis a saan nga ikikkaten ti PAGASA ti posibilidad a ti La Niña threshold ket maragpat iti sumaruno a bulan.
