BAGUIO CITY – Manarimaanen ti konstruksiyon ti 100-bed capacity a Temporary Treatment Management Facility wenno TTMF sadiay Agbannawag, Tabuk City, Kalinga.
Sigun kenni Tabuk City Mayor Darwin Estrañero, addaan iti nagduduma a kagawaan kas ti telebisyon, internet, ken dadduma pay a mabalin nga aramaten dagiti pasyente ti nasao a pasilidad.
Kinunana a nupay naladaw ti implementasyon ti proyekto gapu kadagiti nagduduma a pakaseknan ket naikagumaan a maipasdek daytoy iti agdama.
Innayunna a manamnama a malpas ti pasilidad iti maikatlo a lawas ti bulan ti Pebrero.
Dinakamatna a dumanon iti P24-M ti pondo ti pasilidad a maaramt metlaeng kas training center dagiti atleta kalpasan ti pandemya.
Kabayatanna, manarimaan metlaeng ti panangipasdekda ti RT-PCR Laboratory sadiay tapno adda ti aramatenda a pasilidad kagiddan ti panagngato ti kaso ti COVID-19 sadiay.
Kinunana a dagiti pondo a nailatang para kadagiti nasao a proyekto ket dagiti pondo a nailatang kadagiti infrastracture projects a naisakripisyo para iti panagresponde ti COVID-19.
