BAGUIO CITY – Narugianen ti konstruksiyon ti baro a pasdek ti Itogon Municipal Police Station (MPS) sadiay Ucab, Itogon, Benguet.
Sigun kenni Police Major Romel Sawatang, hepe ti Itogon MPS, agbalin a dakkel a tulong ti baro a lokasiyon ti istasiyon ti pulisya.
Kinunana nga umno laeng ti strategic location ti kabarbaro nga istasyon ken agbalin a centralized ti panakaiyakar ti opisina ti pulisya ti Itogon.
Namnamaen ti opisial nga agbalin a nalaklaka ti panagresponde dagiti pulis gapota addan daytoy iti sentro ti municipio no idilig iti lokasiyon ti agdama nga istasiyon ti pulisya.
Inaklonna met nga agbalbalin a karit kaduada ti kinaadayo ti istasiyon ti pulisya iti sentro.
Linawlawaganna pay a saan a marakrak ti sigud nga istasiyonda a masarakan sadiay Barangay Tuding gaputa agbalin daytoy a COMPACT.
Naponduan iti P4-M ti konstruksion ti baro nga opisina ti Itogon MPS.
