BAGUIO CITY – Manarimaan ti panaka-aramid ti maysa nga eco-friendly fitness trail ditoy siudad ti Baguio a masarakan sadiay Athletic Bowl.
Sigun kenni City Recreation and Welfare Service Officer Christian Villareal, 30% ti nakompleton iti panakaisimpa ti bakante a lote sadiay Athletic Bowl tapnu agbalin nga eco-friendly.
Kinunana a maibangon sadiay ti nagduduma a disenyo wenno trail course para kadagiti ubing, senior citizens ken regular ages.
Innayonna nga adda met dagiti maaramid nga intermediate courses para iti panagsanay dagiti atleta ken dagiti panakabagi ti linteg.
Dinakamatna nga addan ti direktiba ni Mayor Benjamin Magalong ken ti City Administrator’s Office iti panakailukat ti trail course iti kanito a malpas ti pasilidad ngem nasken a maobserbaran ti safety health protocols nga inyetnag ti COVID-19 Inter-Agency Task Force for the Management of Emerging Infectious Diseases.
Imbinglay pay ni Villareal a mapadaanan metlang dagiti nagduduma a recreational acitivities ken sporting events ditoy siudad intun sumaruno a bulan ti Setyembre.
