BAGUIO CITY–Ituloy latta ti lokal a gobierno ti Baguio City ti konstruksyon ti parking structure iti Baguio Athletic Bowl tapno maaddaan iti nawaywaya a parking spaces para kadagiti agturong sadiay nga addaan iti lugan.
Malaksid iti dayta, puntirya metlang ti nasao a proyekto a mang-akomodar kadagiti agturong iti Burnham Park ken sentro ti siudad nga adddaan iti imet a lugan.
Sigun ken City Administrator Engr. Bonifacio dela Pen֮a , marakrak ti wooden bleachers iti maikannigid a paset ti entrance ti atheletic bowl para iti pannakaipatakder ti nasao nga straktura
Innayunna a ti singasing a multi-level parking structure a maibangon sadiay ket makaakomodar iti nasurok 80 a lugan ken agserbi metlang daytoy kas income-generating projects ti lokal a gobierno babaen iti pannakakolektar iti parking fees.
