BAGUIO CITY–Panggep ti lokal a gobierno ti Itogon, Benguet a mapagbalin a sementeryo ti 9-hectar a lote ti maysa a pribado a mining company sadiay..
Sigun ken Itogon Mayor Victorio Palangdan, dekada iti naglabas a saana a naaramat ti nasao a lote.
Gapu iti dayta, posible a maituloy ti demolisyon kadagiti iligal nga istruktura nga impatakder dagiti skwaters sadiay iti kanito a maaprubaran ti singasing dagitoy.
Dinakamat ni Mayor Palangdan a napintas ti lokasyon ti nasao a lote a pakaipatakderan ti public cemetery ken babaen iti daytoy ket maaddaan iti permanente a public cemetery ti Itogon, Benguet.
Mainaig iti dayta, naisingasing a maitunos iti pannakaimanehar ti maipasdek a public cemetery sadiay iti panangimanehar ken operasyon nga ar-aramiden ti Baguio City Public Cemetery.
Kagiddan iti dayta, mangnamnama ni Mayor Palangdan a maaprobaran ti singasing dagitoy.
