BAGUIO CITY–Napintas ti nagbanagan ti taripnong wenno forum ti lokal a gobyerno ti siudad seknan iti pangggep a pannakaibangon ti moderno a public market.
Iti panakiuman ti Bombo Radyo kenni City Administrator Engr. Bonifacio dela Peña, kinunana a panggep ti proyekto a protektaran dagiti umili ti siudad babaen iti pannakaipaay ti nadalus ken natalged nga aglawlaw.
Kabayatan ti taripnong, impakaawatna dagiti benepisyo iti nasao a proyekto ken imparangna dagiti 34 a terms for negotiation pakairamanan dagiti pinili ti selection committee a proponent ti nasao a proyekto.
Kagiddan iti dayta, inaklonna nga adda latta ti panagduadua dagiti market vendor gaputta maamakda a mapukawanda iti panggedan gaputta posible a maaddaanda iti ado a kakumpetensiya iti kanito a maipatakder ti nasao a market.
Nupay kasta, inlawlawagna nga ikonsidera ti lokal a gobyerno ti kiddaw dagiti vendors ken adalenda a nailaing dagiti socio-economic issue, financial issue, technical issue ken impact issue ti proyekto tapno maipasigurado nga awan ti mapukawan iti panggedan.
