Manamnama a mabukel ti Kontra Bigay Committee iti Rehion Cordillera a mangmonitor kadagiti kaso iti vote-buying, vote-selling ken abuse of state resources.
Iti pannakiuman iti Bombo Radyo kenni Atty. Julius Torres, Regional Director ti Commission on Elections-Cordillera,kinunana a baro a bantayan ita ti Comelec ti abuse of state resources.
Gapu iti dayta, nabilin dagiti kameng iti Philippine National Police (PNP) , Department of Justice (DOJ) ken dadduma pay nga ahensia a mangala kadagiti ebidensia a maaramat para iti pannakaipila iti kaso kontra kadagiti naglabsing iti pagannurotan.
Sigun kenni Atty.Torres, maysa a parikot ti Comelec ti vote-buying ken vote-selling agsipudta narigat a maipaay dagiti ebidensia.
Mabalin a maireport dagitoy iti opisina iti Comelec kadagiti nagduduma a munisipyo iti rehion,wenno iti opisina ti pulis apaman nga adda ti impormasion seknan iti vote-buying.
Kabayatanna, manamnama a maaramid ti Kontra Bigay Complaint Center (KBCC)ngem iti agdama, mabalin nga agreklamo kadagiti nasao nga opisina.//mp4
