BAGUIO CITY- Ituloy ti lokal a gobyerno ti Baguio City a mangipatakder ti 24 multi-level parking buildings iti siyudad inton umay a tawen.
Sigun kenni Mayor Benjamin Magalong, maysa daytoy a solusyon iti nakaro a sitwasyon ti trapiko iti siyudad.
Dinakamatna a dagiti dua pulo ket uppat a parking building ket kabaelanna nga ag-akomodar ti 14,000 a parking slots para kadagiti motorista.
Iti agdama ket adda laeng ti 2,700 a parking slots iti Baguio City kas maibasar iti imbentaryo.
Sigun met iti datus ti Land Transportation Office idi napan a tawen, 56,000 ti pakabuklan a bilang dagiti nakarehistro a lugan iti siyudad.
Manipud iti nasao a bilang, 41,000 kadagitoy ket four wheeled vehicle ken 15,000 dagiti motor.
Kabayatanna, manarimaan ti konstruksyon dagiti sidewalks iti siyudad.
